Se o DICIONARIO é un labirinto grande e marabilloso, segundo describe Benito Pérez Galdós, ou o frondoso bosque de palabras que diría Guillermo Cabrera Infante, entón propóñovos dar unha volta por el e atoparedes inspiración para escribir un conto. Porque, dentro dese libro está todo, todo, todo.
Por exemplo:
“Estaba canso,chovía. Decidín dar unha volta polo dicionario. Entrei polo O, atravesei obedecer, obelisco e óbito, e detívenme un intre en obsesión...Xirei cara á miña dereita en obtuso, atravesei ocisión e océano e dirixín os meus pasos a ofuscar…”
Dá unha volta polo fogar da palabra próxima ou descoñecida, humilde ou estirada, seria ou graciosa, amorosa ou violenta… Dá unha volta polo dicionario, ábreo ao chou varias veces e conta o que che vai pasando pola cabeza.